Hari ni aku nk ngare kok versi klate, aku loni po nga ile sbloh kaki... hola gewe aku iaitu labtop kesayange rusok, aku tok tahu bakpo dio jadi gitu, hujung muggu lepah aku ado program di kaje(Kajang) pahtu aku ikuk saing-saing aku balik gombok sebak hari senin cuti konvokesyen KUIS.

Lepah aku balik rumoh, aku tra bukok labtop aku, tengok-tengok tokleh "display" kat skin... pada mulonyo aku ingak monitor hok rusok sebak labtop aku tok guno skrin sebak rusok, jadi aku beli la monitor dan sambung situ.Tapi aku chek, tok rusok pun pahtu aku chek kat labtop..rupo-ruponyo labtop tu sdri rusok hok aku sdiri pong tok tau sebak gapo.

Maso aku balik rumoh, aku tengok mejo hok aku wak alas monitor dan labtop takdop, budok-budok rumoh aku buak tubik lua sebak male tu ado usroh kat umoh. Aku tokse nk nuduk sapo-sapo jadi aku anggap ni mungkin uje tuhe.

Jadi buak maso ni aku tokleh nok wak gapo-gapo design lah, sklo ado hok mitok tolong buak banner dan lain-lain. Aku tengoh blur loni tok tahu nak wat gano dengan labtop tu sebak kalu gi bekki, maha skrin sajo RM800 petah lagi bekki bare hok jeng dale tu.

Hola nak wat gano, aku tawakkal jela, ajat nok pinje denge saing hok ngaji di UKM.. :) tengoklah gano, hmm... pade stakat ni lah sajo nok kongsi kesedihe he..he..